Pas shkarkimit të Artan Lames, kryeministri Edi Rama ka prezantuar sot drejtuesen e re të Kadastrës Dallëndyshe Bicin për të cilën kishte edhe porosinë e parë.

Gjatë prezantimit, Rama tha se duhen prerë menjëherë bishtat e mbetura të korrupsionit në zyrat e Kadastrës.

“Sot kemi një bazë nga e cila mund të shkojmë me shpejtësi më tutje. Në këtë fazë na duhen hapa të shpejtë, është koha të mbyllim rrugët e kontakteve të drejtëpërdrejta.

Kadastra është banka më e rëndësishme e vendit, është banka e pasurive të paluajtshme, kërkon që të sillet dhe funksionojë si e tillë. Duhet të merren masa serioze në lidhje me bishtat e së keqes në institucion, detyra e drejtores së re është që të cojë aty ku e kanë vendin ata që kanë luajtur bishtin e institucionit për interesat e tyre. Duhet bashkëpunim me prokurorinë speciale“- tha Rama.