Lirije Kola, bashkëshortja e këngëtarit Artan Kola, ka rrëfyer për herë të parë marrëdhënien e veçantë që ka me të shoqin, pas surprizës që ai i bëri në Big Brother VIP Albania për Ditën e Shën Valentinit.
E ftuar në emisionin “Ftesë në 5”, Lirije ka veçuar një gjest që, sipas saj, Artani e bën gjithmonë: dhurimin e luleve.
“Do veçoja një gjë që ai e ka bërë që në momentin e parë. Kudo që shikon një lule, kudo ku është, ai e këput dhe e mban aty kurdo që të takohet me mua, ma dhuron”, rrëfen ajo.
Ajo gjithashtu u ndal tek reagimet në rrjetet sociale lidhur me disa komentet për punëdhënësin e saj, duke sqaruar marrëdhënien e ngushtë familjare:
“Jam mërzitur shumë sepse në rrjetet speciale kanë dalë disa lajme, që kush është punëdhënësi. Pse i rri afër gruas së Tanit? Punëdhënësi im është djali i dajës së Tanit. Jam ndjerë keq. Unë e kam si vëlla Nikolinin”, tha Lirije.
Rrëfimi i saj nxjerr në pah jo vetëm anën profesionale, por edhe dimensionin familjar të lidhjes së saj me Artan Kolën, duke treguar dashurinë dhe respektin që ekziston midis tyre.
