Kanë kaluar 40 ditë nga ndarja tragjike nga jeta e ish-deputetit Gerti Bogdani. Kunati i tij, Arbër Çepani, ka ndarë një postim në rrjetet sociale, duke shprehur ndjenjat e tij dhe duke shprehur se ende nuk e beson se Gerti nuk është më mes tyre.

“40 ditë pa ty shoku im… akoma shpresoj çdo mëngjes të të gjejë tek tavolina jonë dhe të pijmë kafen bashkë, për të folur për çdo gjë që lamë në gjysmë,” shkruan Çepani, duke theksuar dhimbjen dhe mungesën që ndjejnë të gjithë ata që e njohën.

Gerti Bogdani, ish-deputet i Partisë Demokratike, u nda nga jeta në moshën 44-vjeçare për shkak të një arresti kardiak, ndërsa po zhvillonte një takim me disa miq të tij në një prej hoteleve në bulevardin “Dëshmorët e Kombit”. Kjo humbje e papritur ka lënë një boshllëk të madh në zemrat e atyre që e njihnin dhe e donin.