Kreu i Partisë së Lirisë, Ilir Meta ka shpërndarë një video nga takimi që zhvilloi me strukturat e kësaj partie në Kukës ku u shpreh se ky qark është më i prekuri nga “drama e shpopullimit”.

Në fjalën e tij, Meta fajësoi qeverinë për largimin e të rinjve, ndërsa premtoi se do t’i jepet fund këtij fenomeni.

Postimi i Metës:

Kukësi është Qarku më i prekur nga drama e shpopullimit, sepse kjo Qeveri e papërgjegjshme dhe e korruptuar i detyron të rinjtë dhe të rejat të largohen nga vendi.

Ne jemi të vendosur që t’i japim fund shpopullimit dhe t’u rikthejmë të rinjve kuksianë dëshirën që të ardhmen e tyre ta ndërtojnë në Shqipëri