Ditën e djeshme, fituesja e “Big Brother VIP Albania 3,” Egla Ceno, ka krijuar një pyetësor në InstaStory, duke kërkuar që ndjekësit e saj të identifikonin personazhet që i kanë bërë bllok në Instagram. Në këtë listë, një ndjekës përmendi gazetaren Dasara Karaiskaj dhe i kujtoi Eglës një deklaratë ofenduese duke shkruar: “Dasara kukumjaçka, qe desh vdiq kur fitove ti bisha? (VIP vec ne mendjen e vet eshte ajo)”.

Në përgjigje, Egla Ceno u shpreh: “Nuk e njoh zemra. Mos i shaj gocat se gjynah”, por vetëm pak orë më vonë, ajo i fshiu të gjithë reagimet e saj.

Megjithatë, Dasara Karaiskaj ka reaguar sërish. Ajo postoi një video në InstaStory ku shprehu se kishte marrë shumë mesazhe për reagimin e Eglës. Karaiskaj tha: “Më është bombarduar DM e Instagramit me titujt e portaleve që ka reaguar Egla Ceno pas tre muajsh, më shumë ndoshta. Mua më vjen mirë se smë harrojnë njerëzit. Unë personalisht njerëzit që nuk i njoh nuk i postoj te Instagrami im. Unë nuk e njihja as Eglën edhe pse jam dashamirese e teatrit, nuk kam pasur mundësinë të shoh një shfaqje të saj. E pash të shkëlqente në Big Brother. Iku vapa po vjen Big Brotheri i ri tani. Do flasim”.