Policia e Memaliajt ka arrestuar në flagrancë shtetasin Arif Malka, për veprën penale “Kultivim i narkotikëve”.

Policia ka konstatuar tentativën e këtij shtetasi për të mbjellë lëndë narkotike në bahçen e banesës, në fshatin Ivzor të Memaliajt.

Materialet në ngarkim të Malkës, i kaluan Prokurorisë Pranë Gjykatës së Shkallës së Parë Gjirokastër për veprime të mëtejshme.

Njoftimi i plotë i policisë

Goditet një rast i tentativës për kultivim të bimëve narkotike, arrestohet në flagrancë një shtetas.

Shërbimet e Stacionit të Policisë Memaliaj, në bazë të informacioneve të siguruara, në vijim të  kontrollit në territorit me qëllim parandalimin, evidentimin dhe goditjen e rasteve të tentativës për kultivim të bimëve narkotike, kanë evidentuar dhe goditur një rast të kësaj veprimtarie kriminale.

Në përfundim të veprimeve hetimore, u arrestua në flagrancë shtetasi A. M., banues në fshatin Izvor, Memaliaj, pasi ky shtetas në bahçen e banesës ka tentuar të kultivojë bimë narkotike.

Materialet i kaluan Prokurorisë Pranë Gjykatës së Shkallës së Parë Gjirokastër për veprime të mëtejshme.