Kryeministri i Kosovës, Albin Kurti, ka reaguar ndaj deklaratave të presidentes Vjosa Osmani, e cila, gjatë fjalimit të saj vjetor në Kuvend, tha se nuk duhet luajtur bixhoz me aleatët, duke sugjeruar tensionet mes Qeverisë dhe aleatëve të saj. Kurti theksoi se ka pasur gjithmonë komunikim të ngushtë dhe bashkërendim me presidenten Osmani, kryeparlamentarin Glauk Konjufca dhe ministren e Punëve të Jashtme, Donika Gërvalla, në lidhje me politikën e jashtme të Kosovës.
Ai shtoi se të arriturat janë të përbashkëta dhe se përballimi i sfidave dhe vështirësive është diçka që mund të arrihet në bashkëpunim. Kryeministri theksoi gjithashtu se, përsa i përket situatës në veri, siguria e qytetarëve është më e lartë se kurrë më parë. Ky koment erdhi gjatë ceremonisë së vënies së gurthemeli për tri projekte në Podujevë.
