Kryeministri i Kosovës, Albin Kurti, ka uruar koalicionin CDU/CSU për fitoren në zgjedhjet parlamentare të Gjermanisë. Përmes një postimi në rrjetet sociale, ai i ka dërguar urime edhe Friedrich Merz, i cili pritet të jetë kancelari i ardhshëm i Gjermanisë.
Kurti theksoi se Kosova dhe populli i saj mezi presin vazhdimin e thellimit të bashkëpunimit mes Kosovës dhe Gjermanisë. “Urime Friedrich Merz dhe CDU/CSU për fitoren e zgjedhjeve federale gjermane. Kosova dhe populli i saj presin me padurim vazhdimin dhe thellimin e bashkëpunimit tonë”, ka shkruar Kurti në X.
Nga ana tjetër, Friedrich Merz ka bërë një deklaratë të dielën, duke sinjalizuar një ndryshim të madh në qëndrimin e Evropës ndaj SHBA-së dhe NATO-s pas shpalljes së rezultateve preliminare të zgjedhjeve. Sipas Këshillit Zgjedhor Gjerman, CDU/CSU ka fituar zgjedhjet me 28.6% të votave.
