Kuvendi i Shqipërisë ka miratuar këtë të premte me 103 vota pro dhe 1 kundër, amendamentin për garantimin e kuotës gjinore në listat zgjedhore. Sipas këtij amendamenti, 1 në 3 kandidatë fitues në listë duhet të jetë grua.

Deputetja Albana Vokshi shprehu rëndësinë e kuotës gjinore, duke theksuar:
“Do të doja të mos ishte kuota sepse ka pafund gra të mira dhe të shkëlqyera. Nëse nuk do të ekzistonte kuota nuk do i kishim as këto gra. Është e domosdoshme kuota, sepse nëse nuk do të ishte do të kishim shumë gra më pak. Kërkojmë barazi gjinore sepse jemi gjysma. Ne kërkojmë minimumin për të mbrojtur atë 30% që ka qenë, jo për të fituar pak më shumë. Kjo nuk është beteja jonë, është për ato gra dhe vajza që e kanë të pamundur nëse nuk është kuota për t’u futur në lista. Kam thirrje për burrat që të votojnë që të ketë më shumë, gra në listat e ardhshme. Gratë në lista i bëjnë nder listave. Mos e reduktoni kuotën, lëreni 30%.”

Ky vendim synon të rrisë përfaqësimin e grave në politikë dhe të sigurojë barazi gjinore në zgjedhjet e ardhshme.