Në seancën parlamentare të sotme, Kuvendi i Shqipërisë miratoi projekt-rezolutën për shpalljen e Iranit si shtet terrorist. Votimi u zhvillua me pjesëmarrjen kryesore të mazhorancës, ndërsa opozita vendosi të bojkotojë pjesëmarrjen, duke lënë sallën pothuajse bosh.

Rezoluta u miratua me 79 vota pro dhe një abstenim. Partia Demokratike mungoi masivisht, duke argumentuar se nuk kishte një rend dite të miratuar, ndërkohë që vetëm dy deputetë opozitarë ishin prezent: Redi Muçi dhe Erald Kapri. Kapri bashkoi votat me mazhorancën, ndërsa Muçi abstenoi.

Seanca u zhvillua pa ndërprerje, ndërsa opozita ka paralajmëruar se mungesa ishte një formë proteste ndaj mënyrës se si u përgatit rendi i ditës.