Në mbrëmjen e sotme në emisionin ‘Goca & Gra’, ishte e ftuar Florina, mamaja e Martin Canit, 14-vjeçarit që humbi jetën tragjikisht një vit më parë, pasi u qëllua me thikë nga bashkëmoshatari i tij, Mario Përlleshi.

Florina rrëfeu me lot dhe emocione momentet e fundit me të birin, si dhe projektin e saj për të shkruar një libër për jetën e tij:

“Ky ka qënë viti më i vështirë. Kur më kujtohet më merret fryma, më vjen ndërmend kur merrte çantën për të ikur në shkollë. Ky ka qenë viti i tmerrit.”

Ajo vlerësoi mbështetjen e familjarëve dhe qytetarëve:

“Familjarët por edhe të gjithë shqiptarët na kanë respektuar pafund dhe na kanë qendruar afër.”

Florina tregoi gjithashtu se libri i saj përqendrohet në jetën e Martinit:

“Unë po shkruaj një libër, ardhja e Martinit në jetë, ai ka qenë fëmijë shumë i saktë. Në libër e kam përshkruar të gjithë jetën e tij me detaje nga lindja deri në momentin që ndërroi jetë në mënyrë të padrejtë nga një bashkëmoshatar.”

Momenti i fundit me të birin mbetet i paharrueshëm:

“Ditën e fundit iku dhe më përqafoj, më tha ‘mami ika, mirupafshim’. Gjithmonë e shoqëroja me sy deri sa hipte në furgonin e shkollës.”

Ngjarja e dhimbshme që tronditi vendin një vit më parë vazhdon të lërë gjurmë në kujtesën e familjarëve dhe komunitetit shqiptar.