Tre turistë çekë, të cilët mbetën të bllokuar në vendin e quajtur Curraj i Epërm janë shpëtuar ditën e djeshme, pas dy operacioneve të kryera nga ekuipazhi i helikopterit të Forcës Ajrore EC 135.
Kreu i Urgjencës Kombëtare Skënder Brataj, ka ndarë pamjet nga operacioni i shpëtimit, ku është rrezikuar dhe jeta e pilotit, për shkak të terrenit të vështirë ku kishin ngelur turistët.
Brtataj apelon që tiu jepet fund këtyre aventurave të rrezikshme nga ana e turistëve, dhe apelon që të mos ngjiten në zona të largëta, pa pasur udhërrëfyer.
Postimi i Bratajt:
Vazhdojne aventurat e pa kontrolluara te turizmit malor! Tre te rinj nga Çekia perfundojne afer gremines, ku u bllokuan per dy dite pasi kishin humbur rrugen dhe pa ditur ku te shkojne! Si eshte e mundur qe per te disaten here turistet levizin pa udherrefyes?
Ky nuk eshte turizem, kjo do te thote te diskutosh jeten! Rrezik jete per personelin mjeksor, rrezik jete per punonjesit e policise, por akoma me shume rrezik jete per pilotet! Stop aventurave ku rrezikohet jeta!
Nje falenderim personelit pilot qe malet i kane kthyer ne pista helikopteri, faleminderit personelit mjeksor te Lekbibaj dhe policise se drejtorise Kukes per kontributin e dhene per disa ore rresht, duke rrezikuar jeten e tyre.
Fatmiresisht edhe kete here misioni perfundoi me sukses.
