Deputetja e Partisë Demokratike, Tabaku, ka reaguar ndaj propozimit të kryetarit të grupit parlamentar të PS për ngritjen e Komisionit të Posaçëm për Dezinformimin. Ajo ka shprehur dyshime në lidhje me objektivitetin e këtyre komisioneve dhe ka kërkuar një përgjigje nga ministri Hasani në lidhje me një memorandum të nënshkruar me sekretarin e shtetit Bkinken në shkurtin 2024.
Tabaku ka argumentuar se Komisionet e njëanshme nuk kanë prodhuar rezultate, dhe ka shtuar se është e rëndësishme që palët të diskutojnë për mënyrat më të mira për të trajtuar çështjen e dezinformimit pa cenuar lirinë e medias.
Ajo gjithashtu ka bërë thirrje për të mos e përdorur Komisionin për betejën politike, duke e cilësuar median si një element të rëndësishëm dhe duke kërkuar një ndarje të qartë midis lirisë së mediave dhe abuzimit të pushtetit.
“Kisha pritur që në këtë Komision palët të uleshin, duke pasur parasysh edhe çështjen sensitive të dizinformimit. Disa shoqata dhe organizata të shoqërisë civile, organizata të lirisë së medias, kanë ngritur shqetësime përsa i përket fushës së veprimit të këtij Komisioni.
Unë besoj që ky parlament ka pasur boll komisione qesharake, të njëanëshme, të cilat nuk kanë prodhuar asgjë. Është e udhës që për këtë Komision palët të diskutojnë bashkë se cila është mënyra më e mirë, pa cenuar vijën e hollë që prek lirinë e medias, për të mos e përdorur këtë Komision për betejën politike të ditës. “ u shpreh Tabaku ndërsa kërkoi që të diskutohet sepse media është e rëndësishme dhe një vijë e hollë e ndan lirinë e mediave nga uzurpimi i pushtetit të katërt.
Më tej Tabaku u shpreh se raporti i Freedom House është problematik në lidhje me median dhe lirinë e medias dhe se shumë organizata të medias dhe gazetarë kanë ngritur shqetësim në lidhje me këtë komision të posaçëm.
Tabaku ka shprehur kritika ndaj raportit të Freedom House në lidhje me median dhe lirinë e medias, duke u bazuar në shqetësimet e shumë organizatave të mediave dhe gazetarëve.
