Sekretari i Përgjithshëm i Partisë së Lirisë, Tedi Blushi ka dënuar shembjen e pallatit në rrugën “Petro Nini”. Në një status në Facebook, Blushi thotë se në paligjshmëri të plotë dhe në mungesë të transparencës policia e ‘Rilindjes’ është vërsulur në pallatin e banorëve në këtë zonë.
Statusi:
Në paligjshmëri të plotë, në mungesë transparence dhe përmes një agresion të egër dhe të përsëritur skalionet e Policisë së “Rilindjes” u janë vërsulur sot banorëve të pallatit në Rr. “Petro Nini” për t’ju rrëmbyer dhe shkatërruar pronën.
Të moshuar të sëmurë, fëmijë, burra dhe gra, në mes të dimrit dhe në prag të Krishtlindjes, po nxirren në rrugë të madhe për llogari të Edi Ramës, Erion Veliajt dhe oligarkëve të tyre, që nuk ngopen duke u vjedhur qytetarëve të thjeshtë mundin, gjakun dhe gjithçka kanë ndërtuar me shumë sakrifica.
Ky regjimi fashist meriton ndëshkimin më të rreptë!
