Sulmuesi i Real Madridit, Kylian Mbappe, është konfirmuar si pronari më i madh i një klubi futbolli në moshën 25-vjeçare, pasi ka përfunduar blerjen e shumicës së aksioneve në klubin francez SM Caen. Sipas Diario AS, blerja duhej të kalonte përmes rregullatorit financiar të sportit, DNCG, i cili tani ka miratuar marrëveshjen. Mbappe, përmes kompanisë së tij Interconnected Ventures, tani zotëron 80% të aksioneve të klubit, ndërsa ish-pronari i shumicës, Pierre-Antoine Capton, ka mbajtur vetëm 20%.

Vlera e marrëveshjes është raportuar të jetë rreth 20 milionë euro. Mbappe ka bërë këtë lëvizje strategjike me qëllimin për të përmirësuar pozitat e klubit, i cili aktualisht ndodhet në vendin e 13-të në Ligue 2, me synimin për t’u rikthyer në Ligue 1 brenda disa viteve.

Një tjetër shenjë e ndikimit të tij në klub është nënshkrimi i ish-futbollistit francez Yann M’Vila, duke treguar ambiciet e larta të projektit që Mbappe ka për SM Caen.