Pas incidentit të ndodhur në studion e “Për’puthen”, ku aktori Laert Vasili u përfshi në një moment të papërshtatshëm me konkurrenten Esme, ai ka reaguar publikisht duke pranuar përgjegjësinë.

Në një mesazh drejtuar ndjekësve, Vasili falënderoi publikun për mbështetjen dhe theksoi se nuk ka njerëz të përkryer:

“Nuk ka njerëz të përkryer, të gjithë bëjmë gabime dhe mirë është që njerëzit kur gabojnë të ndëshkohen për këto gjëra.”

Ai i drejtohet veçanërisht Esmes me një kërkesë faljeje:

“Nëse në ndonjë moment kam cënuar personalitetin e saj i kërkoj ndjesë.”

Produksioni i “Për’puthen” ende nuk ka dhënë një njoftim zyrtar për hapat e mëtejshëm lidhur me ngjarjen.