Vitet kalojnë, por LeBron James dhe Stephen Curry vazhdojnë të shkëlqejnë si gjithmonë, duke marrë përsipër sërish protagonizmin në mbrëmjen e fundit të NBA-së.

LeBron James ishte protagonist absolut në fitoren e Los Angeles Lakers ndaj Portland me rezultatin 114-106. “Mbreti” mbylli sfidën me 38 pikë, 8 asist dhe 3 topa të kapur në tabelë, duke qenë realizuesi më i mirë i ndeshjes. Për suksesin e Lakers, ishin gjithashtu të rëndësishëm Kristi me 28 pikë dhe Rivs që kontribuoi me një paraqitje të shkëlqyer. Me këtë fitore, Lakers forcojnë pozitat e tyre në zonën e play-off në Konferencën e Perëndimit.

Nga ana tjetër, Stephen Curry udhëhoqi Golden State Warriors në një fitore të madhe 139-105 kundër Filadelfia. Curry shënoi 30 pikë dhe realizoi një dyshifror me 10 asist, ndërsa gjithashtu tregoi saktësi të jashtëzakonshme në gjuajtjet nga fusha, veçanërisht ato për tre pikë, që janë arma e tij më e fortë. Me këtë paraqitje, Curry la pas Joel Embiid, që përmbushi një dyshifror me 28 pikë dhe 14 topa të kapur në tabelë.

Në sfidat e tjera, fitore të rëndësishme arritën Boston Celtics, Oklahoma City Thunder, dhe Brooklyn Nets, ku secila skuadër kontribuoi me performanca të dalluara.