Gazetarja dhe ish-banorja e Big Brother VIP, Ledjona Xheladinaj, raportohet të ketë pësuar një aksident të rëndë në fshatin Melan të Dibrës, rreth dy ditë më parë, dhe aktualisht po merr ndihmë mjekësore në spital. Ndërkohë, as vetë Ledjona dhe as policia nuk kanë bërë ende një reagim zyrtar lidhur me gjendjen e saj shëndetësore dhe shkaqet e aksidentit që ajo ka pësuar.

Megjithatë, një prej mikeve të Ledjonës, aktorja Egla Ceno, ka konfirmuar lajmin për aksidentin, duke i uruar asaj shërim të shpejtë përmes një postimi në rrjetet sociale. Ajo shkroi: “Forca Ledjona Xheladinaj! Shërim të shpejtë, për vete, për vajzën tënde dhe për publikun tënd. Të presim.”

Sipas disa burimeve mediatike, si pasojë e aksidentit, Ledjona ka pësuar fraktura të rënda në trup, por ende nuk dihet nëse gjendja e saj shëndetësore është përmirësuar dhe nuk ka detaje të tjera në lidhje me rrethanat e ngjarjes.