Futbollistët shqiptarë që luajnë jashtë vendit vazhdojnë të tregojnë formë të mirë me ekipet e tyre. Në fundjavën e kaluar, Rey Manaj shkëlqeu sërish në kampionatin turk, duke gjetur rrugën e rrjetës me fanellën e Sivassporit. Sulmuesi i Kombëtares shënoi nga pika e penalltisë në minutën e 26-të, në përballjen kundër Gaziantep, duke regjistruar golin e tij të shtatë në këtë sezon.

Arbër Hoxha vazhdon të konfirmojë talentin e tij në Kroaci, ku kontribuoi me një asist në fitoren 3-1 të Dinamo Zagrebit ndaj Goricës. Hoxha u aktivizua në pjesën e dytë dhe shërbeu një pasim vendimtar për golin e tretë të shënuar nga Kulenovic.

Nga legjionarët kuqezi, titullarë me ekipet e tyre ishin:
Thomas Strakosha
Arlind Ajeti
Marash Kumbulla
Amir Abrashi
Qazim Laçi
Feta Fetai
Adrion Pajaziti
Anis Mehmeti
Taulant Seferi

Ndërkohë, si zëvendësues dhanë kontributin e tyre:
Ylber Ramadani
Jasir Asani
Keidi Bare
Ernest Muçi
Arbnor Muja

Legjionarët shqiptarë po vazhdojnë të tregojnë formë të lartë, duke dhënë sinjale pozitive edhe për Kombëtaren, që po përgatitet për sfidat e radhës!