Një tërmet i lehtë me magnitudë 2.8 sipas shkallës Rihter është regjistruar sot në orën 09:20 në zonën e Gjirit të Sarandës. Epiqendra e lëkundjes ndodhej brenda vetë gjirit, në një thellësi prej 10 kilometrash.
Banorët e Sarandës dhe zonave përreth kanë ndjerë lëkundjen, por fatmirësisht pa shkaktuar dëme materiale apo pasoja për jetën e njerëzve.
Instituti i Gjeoshkencave bën thirrje për qetësi dhe kujdes, duke monitoruar situatën për çdo aktivitet sizmik të mëtejshëm.
