Spektakli i Big Brother VIP Kosova të hënën mbrëma solli surpriza dhe emocione të forta për publikun.

Një nga momentet më të spikatura të mbrëmjes ishte performanca e artistes së njohur shqiptare, Leonora Jakupi, e cila u ngjit në skenë në kuadër të 18-vjetorit të shpalljes së Pavarësisë së Kosovës.

E veshur me uniformën e UÇK-së, ajo interpretoi këngë me motive patriotike, ndër to edhe “A vritet pafajësia?”, duke krijuar një atmosferë të fuqishme në studio. Në kulmin e performancës, publiku u ngrit nga vendet dhe iu bashkua artistes në skenë, duke valëvitur flamuj dhe duke kënduar së bashku me të.

Mbrëmja u shndërrua në një homazh artistik për këtë datë historike, ndërsa performanca e Leonorës u prit me duartrokitje të gjata dhe reagime të shumta në rrjetet sociale.