Lëvizja Vetëvendosje ka përmbyllur fushatën elektorale në Kosovë me një takim masiv në Prishtinë, ku mijëra qytetarë u mblodhën në mbështetje të liderit Albin Kurti dhe partisë së tij. Takimi shënoi fundin e një periudhe intensive fushate, ndërsa partitë politike janë përgatitur për zgjedhjet parlamentare të 9 shkurtit.

Në këto zgjedhje, 2,075,868 qytetarë, brenda dhe jashtë vendit, do të kenë mundësinë të ushtrojnë të drejtën e votës. Procesi zgjedhor, i organizuar nga Komisioni Qendror i Zgjedhjeve, do të zhvillohet në 38 komuna dhe 941 qendra votimi, nga të cilat 38 do të jenë të dedikuara për votimin me kusht.