Robert Lewandowski, sulmuesi i Barcelonës dhe ish-ylli i Bayern Munichut, ka treguar talentin e tij jo vetëm në fushën e futbollit, por edhe jashtë saj me humorin dhe aftësinë për të imituar. Në një intervistë të fundit në kanalin ‘YouTube’ të Rio Ferdinand, Lewandowski ka ndarë një batutë për ish-trajnerin e tij, Pep Guardiola, duke imituar perfekt mënyrën e tij të të folurit dhe sjelljet karakteristike.

Tregimi lidhej me një moment dramatik në dhomën e zhveshjes para një ndeshje, kur Guardiola i kishte kërkuar lojtarëve të ndryshonin taktikat në momentin e fundit. Lewandowski ka përshkruar momentin duke ngritur krahët dhe duke imituar zërin e tij të fortë dhe të njohur: “Djema, djema, djema! Uluni, uluni, uluni! Djema, djema, djema! Dëgjoni, dëgjoni, dëgjoni!”. Imitimi ka shkaktuar të qeshura të mëdha, dhe Rio Ferdinand nuk mundi ta mbante dot veten nga të qeshurat.