Policia e Lezhës ka kapur në flagrancë dy të mitur, të cilët dyshohet se kanë vjedhur një shumë parash dhe sende të tjera në një berberhane, pasi kanë thyer xhamat e saj.

Të miturit, 17 dhe 15 vjeç, janë proceduar në gjendje të lirë për shkak të moshës. Sipas policisë, gjatë kontrolleve u sekuestruan mjete pune, dy celularë, një biçikletë dhe sende të tjera në cilësinë e provës materiale. Gjithashtu, një dorezë metalike iu gjet 17-vjeçarit, e cila u sekuestrua nga autoritetet.

Materialet hetimore janë referuar në Prokurori, ndërsa hetimet vijojnë për të zbardhur plotësisht rrethanat e ngjarjes.