Liderë rajonalë të Ballkanit Perëndimor, përfshirë kryeministrat e Maqedonisë së Veriut, Kosovës, Shqipërisë, Malit të Zi, dhe presidentin e Serbisë, do të mblidhen në konferencën “Plani i Rritjes së Ballkanit Perëndimor dhe Integrimi më i Shpejtë në BE” në Shkup të Maqedonisë së Veriut.

Kjo konferencë është pjesë e iniciativës së Bashkimit Evropian për të përmirësuar rritjen ekonomike dhe integrimin e vendeve të rajonit në BE. Plani synon të ndihmojë në përshpejtimin e reformave dhe të sjellë investime për të përmirësuar perspektivën e zgjerimit të BE-së me vende të Ballkanit Perëndimor.

Ndihmëssekretari amerikan i Shtetit, James O’Brien, do të përfaqësojë Shtetet e Bashkuara në këtë konferencë. Planifikohet që BE të ndajë 6 miliardë euro për këtë plan në periudhën 2024-2027.