Më shumë se 280 nxënës të rrëmbyer në një sulm të armatosur në veriperëndim të Nigerisë kanë qenë të liruar të dielën, pa patur ndonjë dëm fizik.

Sulmet në Kuriga dhe Kaduna, të ndodhura më 7 mars, janë ndër më të mëdhatë në dekadat e fundit dhe kanë shkaktuar indinjatë kombëtare dhe një ndjesi të përkeqësimit të sigurisë.

Fillimisht, u tha se 137 nxënës ishin liruar nga ushtria, por më vonë u liruan edhe nxënësit e tjerë.

“Pengjet e liruara, 137, janë 76 vajza dhe 61 djem. Ata janë shpëtuar në shtetin Zamfara dhe do t’i dorëzohen Qeverisë në Kaduna për veprime të mëtejme,” tha zëdhënësi ushtarak, Edëard Buba.

Nxënësit e rrëmbyer kanë moshën prej tetë deri në 15 vjecë, dhe bandat kriminale janë fajësuar për rrëmbimin.

Familjarët thanë se rrëmbyesit kishin kërkuar shumë para në këmbim të fëmijëve, por presidenti Bola Ahmed Tinubu urdhëroi që të mos paguheshin. Ligji i vitit 2022 në Nigeri ndalon pagesat për rrëmbyesit, dhe autoritetet mohojnë se kryejnë pagesa të tilla në mënyrë të jashtëligjshme.