Portieri i Barcelonës, Marc-André ter Stegen, ka vendosur të nënshtrohet një operacioni për të trajtuar problemet me shpinën, duke parashikuar një mungesë prej dy deri në tre muaj.

Objektivi i klubit është që Ter Stegen të jetë i disponueshëm për ndeshjen e parë me eliminim direkt të kompeticionit më të rëndësishëm evropian të planifikuar për në shkurt.

“Gardiani” do të humbasë Superkupën e Spanjës, disa ndeshje të kampionatit dhe play off-et e Copa del Rey. Megjithatë, siç mësojmë nga gazeta spanjolle, porta do i besohet Iñaki Peña.