Moderatorja e njohur Luana Vjollca është tashmë fytyra e re e spektaklit të njohur “Ferma VIP”, duke zëvendësuar Fjoralba Ponarin, e cila e kishte drejtuar programin sezonin e kaluar.
Lëvizja e papritur ka ngjallur menjëherë reagime dhe spekulime mes ndjekësve, sidomos pas vëzhgimit se dy moderatoret nuk e ndjekin më njëra-tjetrën në Instagram. Kjo ka shtuar zërat se Fjoralbës mund t’i ketë mbetur hatri për largimin e saj nga programi.
Megjithatë, asnjëra prej tyre nuk ka bërë një deklaratë publike lidhur me këtë ndryshim, duke lënë të hapur mundësinë për interpretime nga publiku dhe mediat.
Ndërkohë, fansat presin me kureshtje edicionin e ri të “Ferma VIP” nën drejtimin e Luanës, e cila pritet të sjellë energjinë dhe stilin e saj unik në spektakël.
