Nënkryetari i Partisë Demokratike, Luçiano Boçi, ka denoncuar projektin e betonizimit të Pogradecit, duke shprehur shqetësimin e tij për ndërtimin e kullave të larta buzë liqenit. Boçi akuzon kryeministrin Edi Rama për shkelje të vendimeve të UNESCO-s, duke e konsideruar këtë projekt si një model korrupsioni që prodhon para pa fund për qeverinë dhe njerëzit e saj.

Boçi ka thirrur SPAK (Specialja e Posaçme e Antikorrupsionit dhe Krimit të Organizuar) të veprojë, duke përmendur hetimin që është nisur në lidhje me pronat që i janë kthyer pronarëve. Ai akuzon se Rama grabiti pronat e qytetarëve dhe i dhuron klientëve të tij, duke kërkuar një hetim nga SPAK për këtë lëndë.

Luçiano Boçi tha:

“Rama politikë e tij dhe vizion e ka parë betonizimin si sukses por është model korrupisoni dhe kur ka qenë, kryetar bashkie ka parë për të prodhuar para pa fund, duke e çuar betonizmin në të gjithë Shqipërinë. Dhe ajo që dëmtohet më shumë është turizmi. Jemi në Pogradec në perlën e Shqipërisë, i cili ka një mbrojtje të veçantë dhe ky vendim i cili shkel jo vetëm marrëveshje dy palëshe me Maqedoninë por nuk konsideron vendimet e UNESCO-s për zonat e mbrojtura. Madje Shqiqëria ka marrë kërcënime të hapura më parë. Por kryeministri do t’a përjashtojë Pogradecin nga zona e mbrojtur vetëm për qëllimin e tij. Zoti Rama është ai që ka nisur një hetim për Berishën. Dhe hapi një hetim për zotin Malltezi pse mori pronën tij. Ndërsa Rama grabit pronat e të tjerëve dhe ua jep klientëve. Kur SPAK do të veprojë ndaj këtij korrupsioni të Ramës?!