Duket se rusët kanë nisur sulme të ashpra në qytetet port të Ukrainës. Raportohet se disa raketa ruse kanë goditur qytetin-port ukrainas të Mikolajivit. Kështu tha të dielën Anton Gerashchenko, ndihmës në Ministrinë e Brendshme ukrainase.

Gerashchenko tha përmes një postimi në rrjetet sociale se autoritetet lokale kishin raportuar për sulmin.

Forcat ruse kanë sulmuar disa qytete në jug, përfshirë Odesën, Mikolajivin dhe Mariupolin, teksa po tentojnë që ta shkëpusin Ukrainën nga qasja në Detin e Zi dhe të krijojnë një korridor tokësor nga Rusia për në Krime, gadishull që Rusia e aneksoi më 2014.