Këngëtari Luiz Ejlli përballet me një situatë ligjore, si Gjykata e Fierit pritet të japë pretencën më datë 26 shkurt për akuzën e tij për falsifikim dokumentesh. U shty nga data 12 shkurt. Akuzohet se ka falsifikuar një deklaratë noteriale në bashkëpunim me një person nën hetim, dhe mund të rrezikojë një dënim nga 6 muaj deri në 4 vite burgim. Hetimet kanë zbuluar detaje rreth deklaratës së dyshuar, e cila ka lidhje me sekuestro të pasurive të një shtetasi, dhe ka nxitur dyshime për shkelje ligjore në veprimet e Ejllit në rolin e tij si noter

Më 25 shkurt 2022, shtetasi F.A paraqet në prokurori deklaratën noteriale e cila sipas tij, ishte bërë te zyra noteriale e Luiz Ejllit më datë 16 dhjetor 2015 dhe mbante të dhënat si në faximile “nr 663 Rep, Nr 213 Kol datë 16.12.2015”.

Kjo deklaratë sipas prokurorisë, kishte përmbajtjen e marrjes së një huaje në dy këste nga 2008-2015 prej 151 mijë euro dhe 2011-2015 prej 60 mijë euro, para të cilat bashkëshortja e shtetasit F.A i kishte marrë për të shlyer një kredi. E pikërisht kjo deklaratë s’ishte gjendur në arkivat e Ministrisë së Drejtësisë në përgjigje të kërkesave për informacion, kërkesa në kuadër të hetimit pasuror që po kryente Prokuroria e Lushnjës.

Kaq ka mjaftuar që Prokuroria të krijojë dyshime se mund të ketë një shkelje ligjore dhe ka thelluar hetimet duke zbuluar zyrën noteriale të Luiz Ejllit e po ashtu, dhe veprimet e bëra disa vite më parë. Prokuroria ka kërkuar në arkivat e noterit Luiz Ejlli të dhëna për këtë deklaratë noteriale dhe ajo rezulton si deklaratë, por në emër të një tjetër shtetasi dhe aspak bashkëshortes së shtetasit F.A për të cilin hetimi pasuror ishte finalizuar me sekuestro.