Luiza Gega është pritur sot me ceremoni në Rinas, pas fitores spektakolare të arritur në Europianin e Atletikës në Mynih. Në ceremoninë e pritjes ishin të pranishëm Ministrja e Arsimit dhe Sportit, Evis Kushi; Ministrja e Shtetit për Rininë dhe Fëmijët, Bora Muzhaqi; Presidenti i KOKSH Fidel Ylli, etj.
Luiza Gega mbajti një fjalim, ku tha se është më krenare se kurrë dhe dha një mesazh për të rinjtë, duke i nxitur të punojnë fort.
“Faleminderit për këtë pritje të ngrohtë. Ndoshta jam lodhur shumë për të qenë këtu ku jam sot. Zgjodha të përfaqësoj ngjyrat e flamurit tim sa më denjësisht dhe jam shumë krenare. Më në fund i tregova edhe Europës që edhe në mund t’ia dalim. Nëse punon fort dhe nëse e do këtë vend mund t’ia dalësh. Gjërat kanë ndryshuar vitet e fundit për sportin. Më kanë dhënë një shtysë më të madhe me të gjithë mbështetjen. Kam bërë të gjitha këto që të vijë kjo medalje. Jam shumë e lumtur që ia dola. Të rinjtë shqiptarë mund t’ia dalin dhe kushdo që e do këtë vend. Vetëm nuk do t’ia kisha dalë nëse nuk do të kisha edhe mbështetjen e trajnerit.”
Ministrja Evis Kushi shtoi se Gega është modeli i shkëlqyer – jo vetëm në sport, por në çdo fushë të jetës – nga duhet të frymëzohet çdo i ri shqiptar.
Sot do të ndiheni plot energji dhe dëshirë për të marrë iniciativa. Është dita e duhur për të nisur projekte të reja ose... 
