Lulzim Basha, kreu i PD-së, ka ironizuar ‘Rithemelimin’ për protestën e 20 shkurtit, duke thënë se ishte zhgënjim total për militantët, sepse atyre u premtua rrëzimi i Edi Ramës.

“U thirr protesta më 20 shkurt, u tha se sot është dita e fundit e Edi Ramës, Erdhën njerëzit, qëndruan 2 orë, zhgënjimi ishte maksimal. Shumë demokratë erdhën me idenë sepse menduan se më të vërtetë do të ishte dita e fundit e Edi Ramës. A ia vlen të vazhdohet një rrugë ku u premton militantëve se sot është dita e fundit e Edi Ramës dhe pastaj merr dhe thua ‘na jepni vulën se jemi shumica në shesh’. Kjo është ekzaktësisht ajo që do Edi Rama. Nuk shpalosim alternativë, nuk shpalosim ekip, por thërrasim njerëz për të treguar kush është më i madh në PD,”tha Basha.