Presidenti i Francës, Emmanuel Macron, komentoi zhvillimet e fundit në Venezuelë, duke theksuar se qytetarët e vendit mund të ndihen të lehtësuar pas viteve të shkeljeve sistematike të lirive themelore dhe minimit të dinjitetit qytetar nën regjimin e Nicolás Maduro.
Ai shtoi se dita e ardhshme duhet të shënojë një tranzicion të qetë dhe demokratik, me respekt të plotë për vullnetin e qytetarëve. Macron shprehu shpresën që Edmundo González Urrutia, i zgjedhur në 2024, të mund të sigurojë rikthimin e normalitetit institucional në vend në mënyrë të qetë dhe të shpejtë.
Presidenti francez nënvizoi gjithashtu se Parisi është në kontakt të vazhdueshëm me partnerët në rajon dhe mbetet i gatshëm të ndërhyjë sipas nevojës, duke theksuar si prioritet kryesor sigurinë e shtetasve francezë në Venezuelë gjatë këtij momenti të pasigurt.
