Në kuadrin e Konferencës së Sigurisë në Mynih, Manuel Sarrazin, i ngarkuari i qeverisë gjermane për Ballkanin Perëndimor, ka bërë disa komente thelbësore në një intervistë për DW. Ai theksoi qëllimin e integritetit të Ballkanit Perëndimor në Bashkimi Evropian dhe rëndësinë e zbatimit të marrëveshjes së Ohrit për Kosovën dhe Serbinë.

Sarrazin shprehu shqetësimin e tij për mospërfilljen e Ballkanit në Konferencën e Sigurisë në Mynih dhe theksoi se qëndrimi i BE-së ndaj Ballkanit Perëndimor është vendimtar për aftësinë e saj për të trajtuar sfidat globale. Ai gjithashtu përmendi se ndonëse BE kërkon të ndihmojë Ukrainën, Ballkani Perëndimor është tema e dytë më e rëndësishme për BE-në.

Në lidhje me dialogun midis Kosovës dhe Serbisë, Sarrazin theksoi rëndësinë e zbatimit të marrëveshjes së Ohrit dhe u shpreh se dritarja për dialogun ende nuk është mbyllur. Ai përmendi angazhimin e BE-së në ndihmë të procesit të dialogut dhe vlerësoi punën e dërguarit të posaçëm të BE-së, Miroslav Lajcak. Megjithatë, nuk u përmendën lajme specifike apo zhvillime konkrete në dialogun Kosovë-Serbi që mund të konsideroheshin shprese.

Sarrazin gjithashtu u shpreh për nevojën që të gjithë aktorët në Ballkan të punojnë drejt qëllimit të integritetit të tyre në BE dhe tha se qeveria gjermane është e angazhuar për të ndihmuar në këtë drejtim.

DW: Le të ndalemi edhe tek Bosnja e Kosova: Për Bosnjën 12 marsi është një moment i rëndësishëm. A nuk të krijohet përshtypja se vendi po bën një zhvillim politik për të plotësuar më mirë klauzolat e tij. Çfarë duhet të ndodhë nga këndvështrimi juaj si i Ngarkuar për Ballkanin Perëndimor, në mënyrë që nga 12 marsi të hapet ndoshta një kapitull i ri?

Manuel Sarrazin: Koalicioni ka dhënë disa sinjale subtile, se është i gatshëm të bëjë disa reforma paraprakisht, për të na mundësuar që ta ndjekim pozitivisht rrugën. Këtë do ta shohim, shenjat subtile i shohim, por duam t`i shohim vërtet. Kjo më duket se është situata, ashtu siç është, dhe ne sigurisht që do ta mbajmë të fortë presionin, me qëllim që të shohim sa më shumë zhvillime pozitive. Vendimtare është besueshmëria, që ne të jemi të bindur se rruga e reformave do të vazhdohet më tej në mënyrë të qëndrueshme. Dhe për këtë ne duam të marrim sinjale nga Sarajeva.

DW: Sfera e dytë e konfliktit, apo ndoshta më e madhja në rajon, vazhdon të jetë çështja Kosovë – Serbi – dialogu. Shumë janë të dekurajuar, bëhen dy hapa përpara dhe pastaj dy prapa, nganjëherë tri hapa prapa dhe një hap para, dhe për këtë shumë edhe kanë thënë, ndoshta dritarja tani mbyllet, kush e di çfarë do të ndodhë pas zgjedhjeve evropiane, pas zgjedhjeve në SHBA. Cila është qasja e të Ngarkuarit për Ballkanin Perëndimor për të sjellë atje një përparim, në mënyrë që dikur të arrihet një zgjidhje e qëndrueshme në marrëdhënien ndërshtetërore ndërmjet Kosovës dhe Serbisë?

Manuel Sarrazin: Së pari duhet thënë se dritarja nuk është mbyllur ende. Ne kemi të dërguarin e posaçëm të BE, Miroslav Lajcak, i cili punon, ai ka një agjendë dhe do që të arrijë zbatimin dhe implementimin e Ohrit. Dhe qasja jonë është që ta mbështesim atë dhe të bëjmë gjithçka, që kjo dritare të shfrytëzohet, të cilën Miroslav Lajcak e plotëson tani. Ai është shumë aktiv dhe kjo është qasja jonë. Më duket se nuk ka kuptim të mendosh shumë, se çfarë do të vijë paskëtaj. Ne jemi për Ohrin dhe duam që të dyja palët ta çojnë përpara zbatimin e Ohrit dhe mendoj se kjo është vendimtare. Unë shoh në të dyja palët se politika e brendshme do të bëhet një faktor i rëndësishëm. Dua ta them në mënyrë eksplicite; e ardhmja e të gjithë rajonit është në BE dhe kjo duhet të qëndrojë nganjëherë mbi politikën e brendshme.

DW: Si Vuçiç ashtu edhe Albin Kurti ishin në Mynih. Ka ndonjë lajm pozitiv pas bisedimeve me këto dy politikanë për t`u treguar apo ndonjë shenjë shprese? Pati ndonjë impuls për të cilin mund të thuhet se po ndodh diçka?

Manuel Sarrazin: Jo diçka për cilën unë mund të flisja këtu. Por një gjë mund të dihet me siguri, se qeveria gjermane mbetet e angazhuar për të bërë gjithçka, në mënyrë që këtu së shpejti të këtë përparim