Mario Çela, vëllai i Suel Çelës, u ekstradua pak ditë më parë nga Belgjika në kuadër të operacionit ndërkombëtar të koduar “The Wanted”. Gazetarja Klodiana Lala raporton se pas mbërritjes nga paraburgimi në Belgjikë, Çela u paraqit në Qendrën Spitalore të Burgjeve, duke sjellë me vete një epikrizë mjekësore.

Sipas njoftimeve, ai ka kërkuar zëvendësimin e masës së sigurisë “Arrest në burg” për arsye shëndetësore. Çela ishte shpallur në kërkim ndërkombëtar nga GJKKO për disa vepra penale, përfshirë “Vrasja me paramendim”, “Organizata kriminale”, “Mbajtja pa leje dhe prodhimi i armëve, armëve shpërthyese dhe municionit” dhe “Korrupsioni aktiv në sektorin privat”.

Policia njofton se ekstradimi u realizua falë bashkëpunimit të Interpol Tiranës me homologët e tyre në Belgjikë, duke finalizuar fazën tjetër të operacionit “The Wanted”.