Ish-banori i Big Brother VIP Albania 4, Marius Dervishi, i njohur si Zebërvoki, ka reflektuar mbi eksperiencën e tij në shtëpinë më të famshme në Shqipëri. Ai u eliminua pas 13 ditësh pjesë e garës dhe ndau emocionet e para pas daljes.

Në një intervistë, Dervishi tregoi se pas daljes nga shtëpia takoi fillimisht familjen dhe miqtë e ngushtë. Ai përmendi se nëna e tij kishte shqetësime shëndetësore gjatë kohës që ai ndodhej në garë dhe ishte lehtësuar nga dalja e tij.

I pyetur për diferencën mes të ardhurave nga puna si polic dhe aktiviteteve në rrjetet sociale apo film, Dervishi ironizoi duke thënë:

“Nga puna si polic normal, se kemi rrogë shumë të mirë, 650 mijë lekë.”

Ai shtoi se pasioni për punën e tij si polic është ajo që e mban të lidhur me profesionin, por pranoi se paga nuk mbulon as shpenzimet bazë si karburanti dhe cigaret. Dervishi theksoi se, po të mbështetej vetëm tek paga e tij si polic, nuk do të mund të mbijetonte financiarisht.

Duket se Marius Dervishi nuk do të ndalet në rrugëtimin e tij në botën e televizionit dhe rrjeteve sociale, duke shfrytëzuar popullaritetin e fituar nga pjesëmarrja në BBV4.