Në një artikull të publikuar nga gazetarja Lusi Përgjegji, janë zbardhur detaje të reja rreth marrëveshjes së nënshkruar mes Shqipërisë dhe Italisë më 6 nëntor të vitit të shkuar. Sipas kësaj marrëveshjeje, do të ngriten kampe strehimi të përkohshme për emigrantët e paligjshëm që hynë në shtetin fqinj.
Porti i zbarkimit do të jetë Shëngjini, ku do të ndërtohet qendra e parë, ndërsa Gjadri do të jetë kampi ku do të vendosen emigrantët. Autoritetet italiane do të kenë përgjegjësi ekskluzive për hyrjen e tyre në ujërat territoriale dhe territorin shqiptar.
Kostoja e transportimit të emigrantëve nga Deti Mesdhe në Shëngjin pritet të jetë rreth 150 mijë euro në ditë. Qeveria italiane ka vendosur një tavan prej 13.5 milionë eurosh për këtë shërbim gjatë një periudhe tre mujore.
Një anije do të transportojë 300 persona në çdo udhëtim, ku 200 prej tyre janë emigrantë, ndërsa 100 janë personel operativ. Shërbimet e pritjes do të jepen nga kompania Medihospes, e cila fitoi kontratën me një ofertë prej 133.8 milionë euro.
Italia do të financojë dy qendra për menaxhimin e emigrantëve pa leje qëndrimi, me kapacitet për deri në 3 mijë persona. Kjo marrëveshje pritet të përfshijë deri në 36 mijë persona në vit, duke ruajtur një kapacitet maksimal prej 3000 vendvendimesh në të njëjtën kohë.
