Një ngjarje e rëndë ka ndodhur sot në fshatin Thekën të Martaneshit, ku është shembur një galeri në një minierë.

Për pasojë dyshohet se kanë mbetur të bllokuar dhjetëra minatorë. Disa prej minatorëve kanë mundur të dalin ndërkohë që vijon puna për nxjerrjen e të tjerëve.

Katër autoambulanca dhe policia janë nisur me urgjencë drejt vendngjarjes, ndërsa është kërkuar ndihmë edhe nga Dibra e Burreli. Nuk dihet ende shkaqet e shembjes së minierës dhe as rrethanat në të cilat ka ndodhur ngjarja.

Drejt vendngjarjes është nisur po ashtu edhe Policia që pritet të hedhë dritë mbi shkaqet e ngjarjes.