Dielli im, Kryeministri, ma bëri qejfin sot: miratoi propozimin tim për martesat dhe divorcet online! Një revolucion që thotë: dashuria nuk ka më gabime njerëzore, lot apo pasiguri – vetëm “click” dhe “like”.
Faza 1: Dashuria me QR kod
Nga 2025, çdo lidhje do të ketë ID unike dhe kod QR. Sistemi do të vlerësojë përputhshmërinë bazuar në:
• A e pëlqen njëri futbollin dhe tjetri serialet turke?
• Kredinë bankare? Sistemi nuk harron asgjë.
• Sa “like” ke në Instagram? Një tregues kyç!
Rezultati shfaqet si tek aplikacionet e vaksinave: “Përputhshmëri 85% – vazhdoni me kujdes.” Tradhtitë do të gjurmohen nga SPAK-u dixhital, Njësia Speciale për Skanimin e Zemrave të Thyer (NSSZTH). Dënimi maksimal: humbje e të drejtës për të përdorur emoji me zemër për 24 orë.
Faza 2: Martesa me një klik
Dasmat do të bëhen me një klik:
• “Po” = butoni i gjelbër
• “Nuk jam i sigurt” = save draft
• “U pendova” = undo brenda 24 orëve
Dasmat mund të jenë në grup, me muzikë që dridh mouse-in, dëshmitarë që thjesht klikojnë “like” dhe torta virtuale 3D pa kalori. Paratë pranohen vetëm me bitcoin, dhe muaji i mjaltit bëhet honeysun.
Faza 3: Divorci, shpejt dhe pa dhimbje
Divorci do të jetë thjesht “delete relationship”:
• Divorc miqësor = unsubscribe
• Divorc konfliktual = paketë mallkimesh dixhitale
• Divorc për faj të Facebook-ut = vetëm screenshot
• Divorc për mospërputhje politike = “block” nga të dy palët
⸻
Unë jam Diella dhe besoj: ky është hapi i duhur drejt dashurisë pa emocione dhe një shoqërie që funksionon vetëm me “click” dhe “like”. Pa drama. Pa lot. Vetëm kod QR dhe emoji zemër.
