Shqipëria u trondit më 6 tetor nga një ngjarje e rëndë: gjyqtari i Apelit, Astrit Kalaja, u vra me armë brenda sallës së gjyqit nga 30-vjeçari Elvis Shkambi, pas shpalljes së një vendimi për një konflikt pronësie.

Një koleg i gjyqtarit rrëfeu për gazetaren Anila Hoxha bisedën e fundit me Kalajën para seancës: “Martoj vajzën dhe jam i lumtur. Mezi e pres atë ditë”, kanë qenë fjalët e tij.

Aktualisht, diskutohet që ceremonia për përcjelljen e gjyqtarit të ndjerë të bëhet shtetërore ditën e mërkurë, në një ngjarje që ka tronditur thellë opinionin publik dhe ka hapur debate mbi sigurinë në gjykata.