Parisi ka anuluar edhe për këtë vit ceremoninë e hedhjes së fishekzjarreve për natën e ndërrimit të viteve si dhe festimet në rrugën “Champs Elysees” më 31 dhjetor 2021.
Kjo në përputhje me masat e reja të qeverisë për të parandaluar përhapjen e variantit Omicron të koronavirusit.
Kryeministri francez, Jean Castex njoftoi të premten ndalimin e ngjarjeve të mëdha publike dhe fishekzjarrëve për natën e Vitit të Ri dhe rekomandoi që banorët, edhe nëse janë të vaksinuar, të bëjnë një test kundër virusit përpara festave të Vitit të Ri.
Në të gjithë kontinentin, zyrtarët shëndetësorë po përgatiten për një valë të re infeksionesh.
Castex tha sot se omicron po përhapet me shpejtësi rrufeje dhe se ka të ngjarë të bëhet dominues në Francë në fillim të vitit të ardhshëm, raporton reuters.
Franca kishte 58,128 raste të reja të infeksionit të premten gjersa kanë vdekur 162 persona.
Franca kishte 58,128 raste të reja të infeksionit të premten gjersa kanë vdekur 162 persona.
