Aeroporti “Nënë Tereza” – Mbërrijnë dozat e para të vaksinave nga kontrata me kompaninë Pfizer.

Deri më tani, me vaksinën e Pfizer e kanë marrë dozën e parë 650 mjekë e infermierë. Kështu u shpreh ministrja e Shëndetësisë Ogerta Manastirliu nga Rinasi ku po pritej dërgesa e parë nga Pfizer.

Po ashtu, ministrja tha se me mbërritjen e vaksinave, nesër fillon bërja e dozës së dytë. Më tej, do të marrin dozën e parë mjekë e infermierë të tjerë si dhe disa në spitalet rajonale që janë të ekspozuar ndaj virusit.

Manastirliu tha po ashtu se në vendin tonë nuk është identifikuar ende versioni i ri i koronavirusit ndërsa shtoi se qendra vaksinimi, për t’ju përgjigjur ngarkesave të tjera që do të sjellë Pfizer, do të hapen edhe në Shkodër e në Vlorë.