Të tjera doza vaksinash Pfizer pritet të mbërrijnë nesër në Shqipëri.
Lajmi bëhet me dije nga kryeministri Edi Rama i cili thotë se të hënën vijnë në vendin tonë rreth 11 700 vaksina Pfizer.
Në një video-mesazh në “Facebook”, Rama thekson se deri më tani janë kryer në total mbi 770 mijë vaksina për qytetarët mbi 60 vjeç dhe punonjësit e shërbimeve kritike.
“Me vaksinimin e punonjësve të transportit publik, ia kemi dalë të kryejmë më shumë se 770 MIJË vaksinime për qytetarët mbi 60 vjeç dhe punonjësit e shërbimeve kritike. Nesër priten sërish 11,700 doza vaksinash Pfizer, për të vijuar pa u ndalur me kalendarin e vaksinimit anticovid #ShqipëriaBuzëqesh”, shkruan Rama.
