Kryeministri Edi Rama ka mbledhur sot në selinë e Partisë Socialiste drejtuesit politikë të partisë për një diskutim të rëndësishëm mbi votën e diasporës dhe përgatitjet për zgjedhjet parlamentare të 11 majit. Në mbledhje janë të pranishëm drejtuesja politike për Tiranën, Elisa Spiropali, Taulant Balla, Ulsi Manja, dhe Arbjan Mazniku. Një element i dukshëm i mbledhjes ishte mungesa e kryebashkiakut të Tiranës, Erion Veliaj, i cili ndodhet nën hetim nga SPAK-u për pasurinë e tij të dyshimtë.

Drejtuesit e PS, përfshirë kryeministrin Rama, janë të mbledhur online, ku janë dhënë direktiva për procesin e regjistrimit të emigrantëve në kuadër të zgjedhjeve të ardhshme. Sipas informacionit, gjatë mbledhjes u diskutua dhe për fatin e Pandeli Majkos, i cili u caktua të drejtojë fushatën e PS në Kavajë dhe Rrogozhinë, për të mbuluar vakumin e krijuar nga përjashtimin e Erion Veliajt nga drejtimi i Tiranës.

Sa i përket mospjesëmarrjes fizike të Ramës në këtë mbledhje, arsyeja është udhëtimi i kryeministrit në Itali. Ndërkohë, më 11 janar është hapur zyrtarisht platforma online ku qytetarët shqiptarë në diasporë mund të regjistrohen dhe të votojnë në zgjedhjet e 11 majit. Deri tani janë mbi 7000 aplikime për të votuar nga diaspora.