Denar Biba emërohet në krye të Autoritetit të Konkurrencës.
Kuvendi i Republikës votoi ditën e sotme me 72 vota pro, 37 kundër dhe asnjë abstenim, kandidaturën e Bibës të ardhur nga socialistët për në krye të Autoritetit të Konkurrencës.
Gjatë kësaj seance opozita ka bashkuar votat me maxhorancën për disa marrëveshje ndërkombëtare. Një prej tyre ishte marrëveshja me EFTA-n miratohet me 108 vota pro, 0 kundër dhe 0 abstenime.
Biba ka zevendesuar Juliana Latifin. Kryetari i Autoritetit të Konkurrencës zgjidhet çdo 5 vjet nga parlamenti. Denar Biba është propozuar nga 28 deputetë të Kuvendit për këtë post.
Kandidatura e tij hasi në kundërshtinë e opozitës, ku gjatë seancës plenare nënkryetarja e Partisë Demokratike Jorida Tabaku, e cilësoi si të papërshtatshëm emërimin e tij, pasi rezulton një persona që ka shkuar deri në Strasburg dhe u ka bërë shantazh gjyqtarëve lidhur me ligjin e pronave të Shqipërisë.
