Blogerja Dea Mishel ka zbuluar për herë të parë detaje personale mbi eksperiencën e saj me ndërhyrjet estetike, duke treguar se pendimi ka qenë i menjëhershëm dhe i dyfishtë.

E ftuar në emisionin “Mirëmbrëma Yje”, Dea rrëfeu se kishte rënë pre e trendit për të fryrë buzët, por rezultati ishte larg pritshmërive:
“Më dukej vetja tamam si ajo shprehja ‘buzëviç’, sepse më kishin dalë tepër të enjtura. Gjë më të keqe nuk kisha bërë ndonjëherë në fytyrën time,” tha ajo.

Situata u komplikuar edhe përballë familjes, ku reagimi i babait i dha vendimin për t’i hequr mbushësit. “Babai më thoshte se duhej të ndërroja foton e pasaportës dhe u bullizova nga e gjithë familja, ndaj sapo ra enjtja fillestare i shkriva,” shtoi Dea.

Blogerja pranoi se të njëjtin gabim e ka përsëritur edhe një herë tjetër, duke përfunduar në të dy rastet me shkrirjen e mbushësve brenda javës. Ky rrëfim nxjerr në pah presionin e trendit dhe rëndësinë e natyrshmërisë për të rinjtë në botën e estetikës.