Pak orë pas atentatit ku u ekzekutua Arben Mërkuri/ Maneci, policia nuk ka rënë në gjurmët e vrasësve të tij. Mërkuri u qëllua 2 herë me kallashnikov teksa ndodhej në biznesin e tij në zonën e Sukthit.

Blutë e Durrësit bëjnë me dije se po vijojnë punë për identifikimin e autorëve të ngjarjes dhe po kqyrin kamerat e zonës, në mënyrë që të shkojnë në gurmët e vrasësve, të cilët dyshohet të jenë me pagesë.

Nga ana tjetër nuk konfirmojnë ende pistat e hetimit, por dyshohet se ngjarja ka ndodhur për prishjen e pazareve të drogës.

Emri i viktimës lidhet gjithashtu edhe me një sërë ngjarjesh kriminale. Përmendim dhunimin e biznesmenit libanez Faadi Mitri së bashku me dy persona të tjerë.

Mërkuri dyshohet gjithashtu se ka vrarë një punonjëse seksi në Itali, por policia nuk ka mundur të siguroj prova për të vërtetuar krimin. Së fundmi emri i viktimës lidhet me një përplasje që pati me gazetarët për sa i takon filmimit të groposjes së pulave të ngordhura nga gripi i shpendëve.

Një e shkuar e tillë kriminale duket se vështirëson punën e policisë në identifikimin e autorëve.