Pamje dramatike janë publikuar nga momenti kur një nëndetëse turistike është fundosur pranë bregdetit të Egjiptit, duke shkaktuar humbjen e gjashtë personave dhe plagosjen e disa të tjerëve.
Sipas raporteve, videoja është regjistruar nga një pasagjer që ndodhej pranë skenës në momentin tragjik. Pamjet tregojnë nëndetësen turistike “Sindbad” duke u mbuluar gradualisht me ujë, ndërsa dëgjohen britmat e qytetarëve të frikësuar.
Një nga pasagjerët që arriti të shpëtonte përshkroi skenën dramatike:
“Unë isha me familjen time në skelë dhe ishim gati të hynim në nëndetëse kur ajo filloi të fundosej, ndërsa dyert ishin ende të hapura.”
Autoritetet egjiptiane kanë nisur hetimet për të zbuluar shkaqet e incidentit tragjik, ndërsa ekipet e shpëtimit kanë vijuar kërkimet në zonë.
