Është krijuar medikamenti i parë kundër një sëmundjeje të rrallë që i bën kockat kompakte si mermer, por njëkohësisht shumë të brishta dhe të prirura për t’u thyer. Aktualisht, pritet leja përfundimtare për eksperimentimin klinik në SHBA. Projekti ka nisur 15 vjet më parë me nismë të Komisionit Evropian dhe një sërë universitetesh shkencore, kryesisht italiane.
Ekspertët shpjegojnë se në organizmin tonë, një sistem fiziologjik garanton eliminimin e fibrave të vjetra të kockave dhe zëvendësimin e tyre me të reja, duke rinovuar skeletin deri në 10 herë gjatë jetës. Në rastin e osteoporozës dominante, ky mekanizëm nuk funksionon rregullisht sepse qelizat që eliminojnë pjesën e vjetër të kockës nuk janë aktive.
Medikamenti i konceptuar rregullon formimin e proteinave me anë të geneve dhe mutacioneve, duke përdorur RNA. Deri tani, ka funksionuar shumë mirë në testimet mbi qelizat dhe kafshët.
